أصعب جراحة استاصال رحم…. من اليمن
الاستعداد لما هو متوقع سبيل سلامة المريض
نجاح الجراحة بيبدء قبل الجراحة بأيام
خطة الجراحة و الاهتمام بالتفاصيل هو الطريق لسلامة المرضي و راحتهم و نجاح الجراحة
البداية بتكون ديما بالاستماع الجيد و التركيز في كل تفصيل و كل شكوي و بعدها طبعا الفحوصات إللي بتحدد الخطوات المطلوبة لنجاح الجراحة
ثم بعد ذلك اختيار المستشفي، اختيار فريق العمل، اختيار الفريق المساعد و حتي اختيار ابسط الامور زي غرفة الإقامة و ده مهم جدا عشان سلامة المريض و راحته
وطبعا توفيق الله سبحانه وتعالى في غرفة العمليات هو العامل الاهم
كانت هذه من اصعب جراحات استاصال الرحم و بفضل الله تمت بنجاح تام
الصعوبة الاولي كانت في الحالة الصحية العامة للمريض و تكرار النزيف و عدم الاستجابة للعلاج الدوائي علي مدار سنين من العلاج باليمن
والثانية إنها لم تكن سابقة الجراحة الاولي للمريض. فقد قامت ب ٧ جراحات بتجويف البطن سابقا
و مع بداية الجراحة وجدنا التصاقات عنيفة بين الأمعاء الدقيقة و الغليظة و الرحم و المبايض و المثانة بحيث يستحيل التفرقة بين الأعضاء المختلفة
ولولا التوفيق من الله سبحانه وتعالى والاستعداد الجيد لم يكن للنجاح سبيل
مرت فترة الرعايا و المتابعة بعد الجراحة بسلام و عادت المريضة إلي أهلها في صحة و عافية
